河背水塘

用「仙境」嚟形容河背水塘，最不為過。呢度早年被漁護署選為「郊野公園十大自然風景」之一。除咗有全港唯一嘅S型水壩之外，水塘中央嘅小島亦都係嚟河背水塘打卡必影嘅景點。呢度環境清幽寧靜，畀翡翠綠嘅湖水同樹木包圍住，漫步其中，心都會靜好多。水靜時仲可以影到天空之鏡。河背水塘家樂徑入面有一大片竹林，好似龍貓住嘅洞穴。

行完河背水塘，如果有時間的話，仲可以行埋大欖涌水塘，需時2-3小時，最好量力而為。

元朗泰衡街乘坐專線小巴71往河背村（建議不要在西鐵錦上路站上車，多數已經坐滿），沿往河背水塘方向指示牌步行約20分鐘即到達。

小巴站附近有士多，可買飲品或乾糧。