土地大辯論簡介
土地供應專責小組4月尾開展嘅「土地大辯論」將於9月26日結束。大家趁諮詢期完之前，記得把握機會，就18個短、中、長期土地供應選項提出意見。今次收集到嘅民間意見將會喺10月10日出爐嘅施政報告中反映，所以大家嘅聲音好重要架，會影響到香港長遠發展！
V'air之立場
V'air作為關注環境議題，尤其氣候變化的環境教育及本地遊組織，我們堅決反對填海與發展郊野公園，並建議政府優先發展棕地、改善土地政策及土地規劃，原因如下：
- 自然資源具備重要生態、康樂、教育價值
- 郊野公園係本港珍貴嘅旅遊資源，有效推動低碳本地遊，紓緩氣候變化，達至《巴黎協定》的減碳目標
- 郊野公園是免費的休憩用地，基層市民才最需要本地的喘息空間
- 香港棕地唔少進行破壞環境嘅活動，例如非法電子廢物場，欠缺妥善規管。重新規劃棕地可以有效解決呢啲問題，同時提供土地起屋
守護郊野公園同海洋就要靠大家！唔好睇少自己嘅力量，一點一滴累積，就會變成一萬、十萬、一百萬人一起反對破壞香港嘅自然環境。到時政府亦要順應民意，優先發展棕地、私人遊樂場地契地等其他選項。
了解更多：《鏗鏘集——土地大辯論》https://www.youtube.com/watch?v=I53TbGMvDvc
參與途徑
1. 網上諮詢問卷 (26/9截止)
https://landforhongkong.hk/tc/views/index.php
提提你，唔一定要揀足1200公頃土地架，因為住屋問題好視乎土地政策同土地運用，增加土地供應未必直接解決住屋問題，大家只需要揀出認同嘅覓地方法就可以
記得喺最後4條問題——「其他意見」欄暢所欲言，例如：「優先發展棕地，堅決反對發展郊野公園，反對填海」
2. 向立法會提交意見書，得閒更可以參與19/9舉辦嘅「香港土地供應的規劃」公聽會，喺會上發言 (3/9截止提交意見書及報名)
https://app3.legco.gov.hk/ors/chinese/Invite.aspx?InvId=10000198&AspxAutoDetectCookieSupport=1
3. 參與聯署
唔少民間團體都舉辦聯署，集合民間力量，推動政府改變施政方向。如果大家嘅立場係「棕地、私人遊樂場地優先，反對發展郊野公園、填海」，可以參加已經收集3萬幾個簽名嘅綠色和平聯署
https://act.greenpeace.org/page/23010/action/1?locale=zh-TW#section-1